耆望園

《撰寫：劉穎牧師》

態度要四容

面帶笑容、心中寬容、 對人包容、彼此美容！

言語要調和

言由心生，境由心造！
一生果效由心發出、一句說話由心生出。
言語反映心思意念及心情，
要口出恩言、良言，
不口出惡言、怨言！

溝通要注意

1. 好長氣又三幅被

講嚟講去三幅被、雞啄唔斷好長氣！長氣又沉氣，講到唔斷氣！
解救：
表示聽到、試做小結。
剛才你講咗好多嘢，我想你澄清我有冇聽錯，事情係咪咁……

2. 晤清楚又唔知道

表達時唔清唔楚、問多句答唔知道！
解救：
試用六何提問法，澄清事情之真相。
打蛇隨棍上，問佢點睇法。
俾足夠時間耐性空間，唔好催促。

3. 人事紛爭勿偏幫

人際關係之糾紛，是誰非難定論！
解救：
不宜討好偏幫，加鹽加醋，火上加油， 幫口聲討！
只是先疏導情緒，先處理心情，後處理事情！
不在壞心情，去決定事情！

4. 過份依賴人幫助

有事就找鍾無艷， 問題推畀人處理！
解救：
小心不做救世主， 不要養成太依賴。
尋求資源去解決，助人自助最有效！